مغـــــامـــرات عضـــو فــي و رطـــة مع العضــوه : نــــــــــــــــــــور

أعضـــــاء منتدانـــا الأعزاء

اليــــوم تنطلق ورطة الأخت العزيزة نـــــور

بعد أن كانت لها غلبة الأصوات في عملية التصويت

و كانت النتيجة علي النحو التــالي :

نـــور : 8 أصــوات

و

كـربــوني: 4 أصــوات

نترك الأخت نـــور مع أسئلتكم و بين أياديكم الأمينة

و المجال مفتوح لكم لطرح أسئلتكم إلي غــاية :

يوم الثلاثاء الموافق ل 23 / 12 / 2008

و نذكــركـم أن كل عضو لديه الحق في طرح سؤالين

و إن شاء الله الــكل يقضي أوقات ممتعة بصحبة أحـــلي ورطـــة

و حظ موفق لأختــنا نـــور مع الأسئلـة
مغـــــامـــرات عضـــو فــي و رطـــة مع العضــوه : نــــــــــــــــــــور Icon_biggrin

[

يا هلا ومرحب بالمتورطه الجديده
بما اني راح افتتح الورطه باسئلتي
ان شاء الله يكونوا قد المقام يا رب

اذا خيروكي في قضاء يوم مع احد اعضاء المنتدى من بتختاري وليش ووين بتختاري تكونوا ؟؟

اذا طلب منك كلمه بحق خمس اعضاء في المنتدى من بيكونوا وشو بتقوليلهم ؟؟

وموفقه بالورطه يا نور

اول شئ الف الف مبرووووووووووك نوووور ..

من قلبي وربي اباركلك ..

بس اقول بصمة وجود >>>>> يسلمووووو عالويلكم حق تويتي ..

ياترى وش السبب الخفي وراها ..

أفهمها وهي طايرة ترى .. وما شاء الله البنر بعد مو مقصر ..

عموما انا بعد ورطة هالة شفت الكل يقول ماكو اسئلة وتويتي خلصتها ..

فقلت هالورطة مو سائلة شئ ..

سو مبروك نور وسوري اني مو سائلتج شئ ..

والله يوفقك يا قلبي مع بقية الأعضاء ..

اقوووووووووووووووووووول ..

لا يكثر اوك ..

بسأل يعني بسأل ...

وقولوا اللي تبون >>>>> عناد ها .. خخخ

بس مو الحين خليني اطبخها على نار هادية نور خانم ..

خلي الباقي يسألون على راحتهم ..

>>>> أدري فرحتي لما مو سائلتج بس لا تفرحين وايد ..

عاد يااااااااااااااي وش كثر اني ما اعرف شئ عنك ...

لوووووووووووووووووووووووووووول ..

>>>> وجود يسلمو مرة ثانية ..

هههههههههههههههههههههههههههه
والله اني فرحت في البدايه
بس صدمتيني
كل عضو له الحق يسألني سؤالين مو عشرين سؤال في واحد
سؤال يعني سؤال واحد ما يتفرع اوك
ولي عوده للرد على الاسئله

واااااااااااااااااااااااااااااااو نور
لي عوده مع ورطه
ورطني

يا هيك الاسئله يا بلا

اذا خيروكي في قضاء يوم مع احد اعضاء المنتدى من بتختاري وليش ووين بتختاري تكونوا ؟؟
اختار هبوش
بروح معاها ع الاردن
ليش
من غير ليش

اذا طلب منك كلمه بحق خمس اعضاء في المنتدى من بيكونوا وشو بتقوليلهم ؟؟
البندري... رائعه جدا بمواضيعك وتسحقين الشكر
هبوش... شكرا لقلبك الطيب
little_tweety ... ظريفه وخفيفه دم وعلى راسي بس خففي من الاسئله الي رح تسألينها اوك
المشرفون ... جهودكم رائعه وبصماتكم واضحه
بن داوود... شكر على الموقع المميز

اقتباس :

little_tweety ... ظريفه وخفيفه دم وعلى راسي بس خففي من الاسئله الي رح تسألينها اوك

تسلمين ياعمري على رأيج اموااااااه ..

ولو طلبتي عيوني تفديج افا عليج بس ..

انتي تامرين امر ..

بس هالطلب ما أضمنلج بصراحة ..

السموحة ياقلبي ..

يالله وينكم إسألوا يدي تحكني ابي احط أسئلتي ..

مو تقولون خلصتها عليكم بعدين ..

يـــالله يــا أعضــاء و يا مشــرفين و ين الأسئلة ؟؟

الــحقـــوا قبـــل لا تويتي تخلص عليهم كلهم خخخخخخخخخخ

نـــورتي الورطة أختي نـــووووووور

راح أسألك سؤالين و إن شــاء الله يعجبونك و يكونون خفيفين عليكي

لأن ما نعرف شنو راح تسوي تويتي ههههههههههه

السؤال 1 : ماهي هواية نور المفضلة ؟ و لماذا هي بالذات ؟ و ماذا يكون شعورك عند ممارستها و مالذي أضافت لكي ؟

السؤال 2 : ماذا تعني لكي كلمة حياة ؟ هل تؤمنين بأن المستحيل ممكن أن يتحقق ؟ و ما هو المستحيل بحياتك و بنظرك ؟

يالله نــــور موفقة أختي في الإجابات
Very Happy

لحقتك يالله وجود ..

قبل لا يطوف دوري .. خخخخخخخ ..

حرام عليكم عاد بتويتي .. تحسسونا انها صايرة محقق وتخوفين الباقيين منها ..

ما عليج منهم تويتي .. هم ما حصلوا أسئلة عشان كذا يحطوها فيكي ويقولون خلصتي عليها ..

يالله نرجع لموضوعنا ..

أسئلتي لج اختي نور .. وان شاء الله تعجبك ..

1 - وش أكثر مكان تحبينه ..؟.. ووش كثر تروحيله ..؟؟..

2- شنو الشئ اللي ما تستغني عنه نور أبدا وما تتخيل حياتها بدونه ..؟؟..

موفقة أختي .. وقت ممتع بالورطة ..

مبرووووووووووك عليكي الورطة عزيزتي نـــور
و موفقة ياااارب
و صدقيني الورطة مع أعضاء بصمة إبداع عندها طعم و لا أروووع
Very Happy

بس بيني و بينك الله يعينك علي علي أسئلة تويتي
أو أسئلة أي عضو يستعين بصديق هههههههههه

عندي عودة سريييييعة بالأسئلة
لأن أخاف لتويتي تخلص عليها عليها كلها >>>> مشكور مشرف وجود علي التنبيه Wink

خخخخخخ

little_tweety

مافي امل انه ينضحك عليج بكم كلمه حلوة

Like a Star @ heaven

بصمة وجود
راح أسألك سؤالين و إن شــاء الله يعجبونك و يكونون خفيفين عليكي

انا بصراحه شايفتهم اكثر من سؤالين

السؤال 1 : ماهي هواية نور المفضلة ؟ و لماذا هي بالذات ؟ و ماذا يكون شعورك عند ممارستها و مالذي أضافت لكي ؟
عندي اكثر من هوايه بس اهمها
القراءه
السبب يمكن لاني من فتحت عيني على الدنيا وكنت اشوف ابوي يقرا كتب جرائد مجلات
وبالذات جريده الخليج يوميا كان يجيب الجريده اذكر وبعدما يخلص من قرأتها نتناوب احنا عليها
اضافت لي المعرفه والثقه بنفسي

السؤال 2 : ماذا تعني لكي كلمة حياة ؟ هل تؤمنين بأن المستحيل ممكن أن يتحقق ؟ و ما هو المستحيل بحياتك و بنظرك ؟

الحياه بالنسبه لي خليط من المشاعر
يوم حلو ويوم مر
فرح وحزن
ضحك وبكاء
امل بغد جميل
المستحيل ملغي من قاموسي
لا يوجد شئ مستحيل في حياتي واتمنى ان يستمر الحال

Like a Star @ heaven

بصمة نبضات

شو هالاسئله الحلوه والخفيفه

1 - وش أكثر مكان تحبينه ..؟.. ووش كثر تروحيله ..؟؟..

اكثر مكان احبه واروح له السينما
شكثر ... في الاسبوع مرتين او ثلاث احيانا

2- شنو الشئ اللي ما تستغني عنه نور أبدا وما تتخيل حياتها بدونه ..؟؟

فكرت وايد وعصرت دماغي
اكون واقعيه كل شئ مهما كان استطيع العيش بدون
الا الصلاة والماء

شكرا على اسئلتكم الحلوه

مرحبا فيج اختي نور باحلى ورطة

ان شاء الله تكون اسئلة الاعضاء خفاف عليج

يلا نبدأ بالاسئلة

1) شنو الشي اللي يميز منتدى بصمة ابداع عن غيره بنظرج؟

2) الناس القراب من نور شلون يوصفوها؟ يعني الاهل والاصدقاء؟

ان شاء الله اسئلتي عجبتج نور

مرحبتين كبار نور بالورطة

ونمنالك أوقات حلوووة ببصمة ابداع والورطة

السؤال الأول .. منو أقرب لك شخص معين ترتاحين له؟ أو الورقة والقلم ؟

السؤال الثاني .. تخيلي نفسك أحدى مشرفين بصمة ابداع

أي بصمة تحبي تكوني ؟ ولماذا ؟ وشو إللي شدك للقسم والبصمة ؟

موفقه نور ...

اول شئ خير هلول انتي ووجود ..

اقول وجود باشا ناوية عليك نيه .. صبرك علي بس ..

وتسلملي ياااااااارب يا نبضات شوفوا الناس الذوق ..

اما نور ياقلبي .. وبعدين وربي كل يوم أدخل ابي اسأل يالله عاد خليهم يسألوكي

او انا بسأل ..

خخخخخخخخخخخخخخخخخ

بصمة بيتنا
الحمدلله الاسئله حلوه لحد الحين

1) شنو الشي اللي يميز منتدى بصمة ابداع عن غيره بنظرج؟
اهم شئ بنظري انه منتدى رايق
والاعضاء مجتمعين على محبه بعضهم البعض

2) الناس القراب من نور شلون يوصفوها؟ يعني الاهل والاصدقاء؟
طيبه القلب محبه صريحه
بس يقولون اني احيانا اجرح من غير ما احس

حلوه الاسئله عجبتني
ممكن اجاباتي تكون مختصره فخير الكلام ما قل ودل
بس اتمنى انها تكون واضحه واني قدرت اوصل الفكره

همس المراسلة

السؤال الأول .. منو أقرب لك شخص معين ترتاحين له؟ أو الورقة والقلم ؟
اقرب شخص لي زوجي ولا غير سواه

السؤال الثاني .. تخيلي نفسك أحدى مشرفين بصمة ابداع
أي بصمة تحبي تكوني ؟ ولماذا ؟ وشو إللي شدك للقسم والبصمة ؟

بصمة نور
نور اكيد بصمتها نور
ولا غير نور
والقسم رح اختار من كل قسم بصمه واسوي لي قسم كوكتيل بصمات

Like a Star @ heaven

little_tweety
إسالي حبيبتي ولا تتأخري الكل شوقني اشوف
كيف هي اسئلتج
لا يردج الا الكيبورد اسألي

ياااااااااااااااااااااااااااااااي ..

اوكي تم ..

انتي قلتيلي أسأل ما علي .. > ام البراءة بس خخخخ .

الموووووووووهم ..

السؤال الأول ..

بموضوع من أنا .. انتي قلتي عن نفسج انج كنتي عصبية وغير إجتماعية .. وقاعدة تحاولين تغيرين من هالطبعين
لأنهم قاعدين يأثرون على نظرة الناس لنور .. طيب وشلون إكتشفتي هالشئ ؟؟.. أحد قالج بوجهج ؟؟ او انتي حسيتي واكتشفتيه بنفسج ؟؟.. وبعد وانتي صغيرة ايام المدرسة العصبية تأثر وايد على الطفل وما تخلي حوله ربع وايد .. هذا بنظري .. انتي شلون كانت طفولتج ..؟؟.. ووشلون ناوية تغيرين هالصفتين ؟؟.. وش ناوية تسوي ؟؟ وهل لاحظتي اختلاف او لا ؟؟..ايه وبعد قايلة انه كانت لج أحلام وأمنيات قبل زواجك .. وش هي ؟؟..وليش بطلتي منها ؟؟.. ايه وبعد انتي سريعة الثقة بالناس .. قد صارلج موقف ندمتي انج حطيتي هالثقة بالمكان الغلط ؟؟.. وش هو ؟؟؟.. ولو أحد من المقربين ليكي صاحب شخص غلط عليج بشئ يعني كنتي خايفة انه يكرر الغلط معاه يغدر بيه راح تنبهيه او تسكتين ؟؟ علما انج سامحتيه لأنه هذا طبعج من الكلام اللي قلتيه عن نفسج ... ؟؟؟... ووووبس ..

عاد ابي بالتفصيل اوك ما أحب الأجوبة المختصرة ..

ولا تنسي هذا سؤالي الأول بس ..

يعني باقي سؤال ثاني ....

سي يو يا قلبي ..

يا ترى عجبك سؤالي .؟؟..

أهلن أهلن بالغالية نور
منورة الورطة
أنا مبسوطة كتير إن مواضيعي تعجبك
أسئلتي
س: ما هو أغرب و أحلى شي مر عليك في عالم النت ؟

س: في وسط فوضى الحياة من الذي يرسم لك بسمة ؟

اتمنى تكون أسئلتي خفيفة عليكي

مرحبا ملايييييييييييييييين

للاسف فوت التصويت للعضو في ورطة

بس ميخالف الحمدلله لحقت عالاسئلة

جم نور عندنا ولو لازم نسوي الواجب معاها ونسالها سؤالين حلوين

محتارة شو أسأل اممممممممم

بدينا بسم الله

1) شنو اكثر شي تخاف منه نور بهالحياة؟

2) شنو اعظم جرح دفنته نور؟

ان شاء الاسئلة تكون خفيفة عليج حبيبتي

هاي نور بما انج قلتي تعرفين اللغه الفارسية راح يكون سوالي الاول باللغة الفارسية و ابي الاجابة باللغة الفارسية اوكيك

1. به نظر شما جرا در اين زمانه بعضى آدمها رسم آدم زيستي را از ياد بردنند ؟

مثل ما اتفقنا نبي رد بالفارسي

سوالي الثاني

ابيج تترجمن السوال الاول و الجواب حق الاعضاء
و شكراً
خيلي ممنون

حياك الله اختي نور بالورطة

إن شاء الله تكوني مبسوطة فيها ..

سؤالي الأول .. بما إنك متزوجة الله يوفقك إذا عندك اولاد ممكن تعرفينا عليهم

وإذا للحين ماعندك شنو تتمني يكون أول طفل ؟ وشو إسمه ؟ يعني بتكوني أم مين ؟

سؤالي الثاني .. إذا عطيتك ورقة وقلم الحين .. وطلبت منك تكتبي

رسالة بشي في خاطرك لأي عضو بالمنتدى من الإدارة إلى آخر عضو سجل

من هو اللي بتختاريه وشنو بتكتبي له؟

موفقه أختي ..

little_tweety كتب:: ياااااااااااااااااااااااااااااااي ..

اوكي تم ..

انتي قلتيلي أسأل ما علي .. > ام البراءة بس خخخخ .

الموووووووووهم ..

السؤال الأول ..

بموضوع من أنا .. انتي قلتي عن نفسج انج كنتي عصبية وغير إجتماعية .. وقاعدة تحاولين تغيرين من هالطبعين
لأنهم قاعدين يأثرون على نظرة الناس لنور .. طيب وشلون إكتشفتي هالشئ ؟؟.. أحد قالج بوجهج ؟؟ او انتي حسيتي واكتشفتيه بنفسج ؟؟.. وبعد وانتي صغيرة ايام المدرسة العصبية تأثر وايد على الطفل وما تخلي حوله ربع وايد .. هذا بنظري .. انتي شلون كانت طفولتج ..؟؟.. ووشلون ناوية تغيرين هالصفتين ؟؟.. وش ناوية تسوي ؟؟ وهل لاحظتي اختلاف او لا ؟؟..ايه وبعد قايلة انه كانت لج أحلام وأمنيات قبل زواجك .. وش هي ؟؟..وليش بطلتي منها ؟؟.. ايه وبعد انتي سريعة الثقة بالناس .. قد صارلج موقف ندمتي انج حطيتي هالثقة بالمكان الغلط ؟؟.. وش هو ؟؟؟.. ولو أحد من المقربين ليكي صاحب شخص غلط عليج بشئ يعني كنتي خايفة انه يكرر الغلط معاه يغدر بيه راح تنبهيه او تسكتين ؟؟ علما انج سامحتيه لأنه هذا طبعج من الكلام اللي قلتيه عن نفسج ... ؟؟؟... ووووبس ..

عاد ابي بالتفصيل اوك ما أحب الأجوبة المختصرة ..

ولا تنسي هذا سؤالي الأول بس ..

يعني باقي سؤال ثاني ....

سي يو يا قلبي ..

يا ترى عجبك سؤالي .؟؟..

ههههههههههههههههههههههههههههههههههههههههههههه

هههههههههههههههههههههههههههههههههههههههههههههه

آخ يا قلبي شو هالسؤال

الرد يبي مجلدات ههههههههههههههههههههههههههه

طيب انا اسألج من وين تيبين هالاسئله

بعدين امبين مسويه بحث على ردودي

الحين يبي لي اسبوع عشان ارد

الله الله الله
أشوف إن تويتي نورت بأسئلتها خلاص Very Happy

كل اللي أقدر أقولك يا عزيزتي نــور : الله يعينك بس lol!

>>> اسألي مجرب خخخخ

طيب عزيزتي نـــور ، جبت لكي أسئلتي
إن شاء الله تكون خفيفة عليكي و تعجبك يااارب

1- بما إنك تحبين القراءة ، ماهو أكثر كتاب أو رواية قرأتيه أثر فيكي ؟ و شنو أضاف أو غير في نـــور ؟

2- ماهي أجمل لحظة تعيشينها في حياتك تشعرك بالسعادة والفرح وسط كومة من الإنشغالات ؟

إجــابه طيبة علي أسئلتي و علي كل الأسئلة
Very Happy

little_tweety
بموضوع من أنا .. انتي قلتي عن نفسج انج كنتي عصبية وغير إجتماعية .. وقاعدة تحاولين تغيرين من هالطبعين
لأنهم قاعدين يأثرون على نظرة الناس لنور .. طيب وشلون إكتشفتي هالشئ ؟؟

ما يبيله اكتشف وحده ومعصبه ومحروق رزها 24 ساعه

اما غير اجتماعيه بشهاده اقرب المقربين مني

.. أحد قالج بوجهج ؟؟ او انتي حسيتي واكتشفتيه بنفسج ؟؟.. وبعد وانتي صغيرة ايام المدرسة العصبية تأثر وايد على الطفل وما تخلي حوله ربع وايد .. هذا بنظري .. انتي شلون كانت طفولتج ..؟

ممكن كلامج عدل عموما لاني ومن وانا صغيره مالي

صداقات وايده صديقتي الوحيده وهي بعدها صديقتي

بس طفولتي كانت روعه وايام شقاوه ما انساها

.. ووشلون ناوية تغيرين هالصفتين ؟؟.. وش ناوية تسوي ؟؟ وهل لاحظتي اختلاف او لا ؟؟

العصبيه غيرتها

اذا حسيت اني بديت اعصب انسحب من المكان

واكيد حسيت بإختلاف ومافي شي بسرعه يعصبني الحين

واتوتر عليه

اما الصفه الثانيه يعني لسه عم حاول

..ايه وبعد قايلة انه كانت لج أحلام وأمنيات قبل زواجك .. وش هي ؟؟..وليش بطلتي منها ؟؟..

احلامي اكثرها كانت تنحصر في العمل واثبت نفسي واكون شي مهم في البلد

يعني كنت احلم اشتغل في مكان مهم وبارز واكون معروفه على مستوى العالم

بطلت منها لاني بعد الزواج حسيت كل احلامي مالها اهميه

وفي الي هو اهم بيتي ونجاح زوجي بالدنيا كلها

ايه وبعد انتي سريعة الثقة بالناس .. قد صارلج موقف ندمتي انج حطيتي هالثقة بالمكان الغلط ؟؟.. وش هو ؟؟؟.. ولو أحد من المقربين ليكي صاحب شخص غلط عليج بشئ يعني كنتي خايفة انه يكرر الغلط معاه يغدر بيه راح تنبهيه او تسكتين ؟؟ علما انج سامحتيه لأنه هذا طبعج من الكلام اللي قلتيه عن نفسج ... ؟؟؟... ووووبس ..

غريبه وووووبس

من غير مواقف يعني ممكن اكلم اي شخص ومن اول لحظه اثق فيه

واقول له كل شي عني من غير تفكير

انا من النوع الي اذا احد غلط في حقي او خان الثقه ما اتعلم ازعل بيني وبين نفسي وارجع من اول وجديد

عادي

لو شخص قريب مني وايد يعني من البيت ممكن اقول وانبه

تسأليني عجبج السؤال ارد عليج اي عجبتني الاسئله

ولا تتهورين وتسألين بعد

البندري

س: ما هو أغرب و أحلى شي مر عليك في عالم النت ؟
عالم النت بأكمله غريب وعجيب
كل شي فيه عجيب
احلى شي تقريب المسافات
صرنا نتكلم ونشوف ونسمع بعض ووكأننا في بيت واحد

س: في وسط فوضى الحياة من الذي يرسم لك بسمة ؟
سماع صوت ابي
رؤيه امي
الله يعطيهم الصحه وطول العمر

اسئلتك رائعه مثل مواضيعك
شكــــــــــــــرا

AL_ANQAA

1) شنو اكثر شي تخاف منه نور بهالحياة؟
الموت ومرض قريب مني

2) شنو اعظم جرح دفنته نور؟
اعظم حزن اقرب من الجرح
واعظم حزن دفنته هو لحظه سماعي لخبر موت جدتي
لا يوجد يوم قبله ولا بعده في الحزن
ولم يتم دفنه بالكامل للان اما كجرح ان يكون جرحني شخص فلا يوجد

مشكوره حبيبتي على الاسئله ويارب اجابتي تكون وافيه وكافيه